असोज ११ देखि खाद्यन्न, कपडा तथा औषधीको मूल्य अनिवार्य
२५ साउन,काठमाडौं । सरकारले खाद्यन्न,औषधी तथा कपडालगायतको मूल्य अनिवार्य तोक्नुपर्ने व्यवस्था गर्ने भएको छ ।
आगामी असोज ११ देखि अनिवार्य मूल्य तोक्नुपर्ने व्यवस्था गर्न लागेको वाणिज्य तथा आपूर्ति व्यवस्थापन विभागका निर्देशक हरीनारायण बेल्बासेले बताए । ‘दैनिक उपभोग्य सामग्री तथा लत्ताकपडालगायतमा वयवसायीले मनोमानी मूल्य असुल्न थालेकोले यस्तो नियम लागु गर्न लागेका हौं’ उनले भने ।
उनका अनुसार अधिकांश आयातित बस्तुमा एमआरपी(अधिकतम खुद्रा मूल्य) लागु गरिने तयारी गरिएको छ ।
सरकारले खाद्यन्नमा चामल,दाल,पिठो,दाल,गेडागुडीजस्ता सामग्रीको एमआरपी तोक्न लागेको हो । त्यस्तै चकलेट,चाउचाउ, लेज, पेय पदार्थ, मासुजन्य पदार्थ, कफी, किसमिस, काजुजस्ता सामग्रीमा पनि मूल्य तोक्ने तयारी गरेको छ । त्यसैगरी निर्माण सामग्री, इलेक्ट्रोनिक्स तथा इलेक्ट्रिक सामग्री,खेल सामग्रीसर्जिकल सामग्रीमा सुइ,कयाप्सुल,लगायतमा पनि मूल्य तोकिने बेल्बासेले जानकारी दिए ।
सर्वसाधारण धेरै ठगिनेमध्ये कपडामा पनि मूल्य निर्धारण गर्ने भएको छ । कपडामा प्रतिमिटर अथवा पिसमा मूल्य तोक्न लागेको बताइएको छ ।
आयातकर्ताले वस्तु आयत गरेपछी मूल्यका साथमा कम्पनीको नाम तथा ठेगाना पनि अनिवार्य राख्नुपर्ने छ । एमआरपी लागु गरेपश्चात बजारबाट मनोपोली हट्ने बेल्वासे बताउँछन् । ‘यसले बजारलाई प्रतिशपर्धात्मक बनाउन मदत गर्छ’ उनले भने । साथै गैरकानुनी रुपमा आउने सामानको आयात कम हुने हुँदा कमसल सामग्री किन्नबाट ग्राहक जोगिने उनको धारणा छ । यससँगै न्युन बिजिकरण समस्यमा समाधान गर्न मद्धत पुग्ने बेल्बासेले बताए ।
एमआरपी लागु गरेपछी व्यवसायीले त्यस्ता वस्तुमा बढी मूल्य लगाएमा कारवाही गर्न सजिलो हुने उपभोक्ता अधिकार अनुशन्धान मञ्चका अध्यक्ष माधव तिमल्सिना बताउँछन् । ‘ अनुहार हेरेर मूल्य तोक्ने प्रवृत्तिको अन्त्य हुन्छ, उनले भने साथै उपभोक्ता ठगनिे सम्भावना पनि कम रहन्छ ।’
हाल विशेषगरी औषधी तथा कपडामा उपभोक्ता ठगिएका छन् । विभागका अनुसार आयात हुने अधिकांश कपडा तथा सर्जिकल सामग्रीमा मूल्य उल्लेख गरिएको हुँदैन । त्यसको फाइदा व्यवसायीले उठाउने गरेका छन् । बढी मूल्य लिएको फेला परे जफत गरी कानुनबमोजिम कडा कारबाही गरिने विभागले जानकारी दिएको छ ।
Contact information
Central Office Balaju –16, Kathmandu
crinvestigationforum@gmail.com
Tel: +977 1 4359459
Mob: 9841078209, 9841519971
Fax: +977 1 4359459
“खाद्यवस्तु स्वस्थ्य राख्नको लागि उत्पादन, भण्डारण र वितरण कार्य व्यवस्थित गरौं ।”
“स्वस्थ्य खाना उपभोक्ताको चाहाना ।”
“स्वस्थ्य खाऔं निरोगी भएर बाचौं ।”
“स्वस्थ्य खाना पाउने अधिकार नयाँ संविद्यानमा सुनिश्चित गरियोस् ।”
“उपभोक्तालाई स्वस्थ्य बस्तु उपलब्ध गराउनु प्रदायकको दायित्य हो ।”
“विषाधीको प्रयोग घटाऔं कृषि उत्पादनलाई स्वस्थ्य बनाऔं ।”
“म्याद नाघेको खाद्यवस्तु उपभोग नगरौं ।”
“ख्राद्यवस्तुमा अखाद्यवस्तुको मिसाउनु अपराध हो ।”
“उपभोक्ता अधिकार हामी सबैको सरोकार ।”
“उपभोक्ता अधिकारको सम्मान गरौं ।”
“हामी सबै उपभोक्ता, हाम्रो अधिकार उपभोक्ता अधिकार । ”
“उपभोक्ता अदालत गठन गरौं ।”
“लेवल हेरेर सामान खरिद गरौं ।”