असोज ११ बाट सबै वस्तुमा न्यूनतम मूल्य उल्लेख हुने
-तुलसी सुवेदी-
काठमाडौं, २५ साउन । स्वदेशी उत्पादन एवम् विदेशी आयातित बस्तुको न्यूनतम मूल्य (एमआरपी) तोकिने भएको छ । उपभोक्ता ठगी नियन्त्रण गर्नका लागि सरकारले असोज ११ गतेदेखि लागु हुनेगरी सबै मूल्यमा न्यूनतम मूल्य निर्धारण गर्न लागेको हो । वाणिज्य विभागको एक समितिले सबै बस्तुको मूल्य निर्धारण गर्नका लागि अहिले गृहकार्य गर्दैछ । वाणिज्य विभागका अनुगमन निर्देशक हरिनारायण बेल्वासेले हरेकपल डट कमसंग कुरा गर्दै उपभोक्ता ठगिनबाट सचेत बनाउनका लागि न्यूनतम मूल्य निर्धारण गर्न लागिएको बताए ।
बेल्वासेका अनुसार विदेशबाट आयात हुने वस्तु अब कहाँ उत्पादन भएको, कसले नेपालमा भित्र्याएको हो, त्यसको न्यूनतम मूल्य कति हो भन्ने उल्लेख गर्नुपर्ने छ । आयातित वस्तुमा आयातकर्ताले आफ्नो नाम ठेगाना, उत्पादकको नाम, ठेगाना, र न्यूनतम मूल्य समावेश नहुने वस्तु नकिन्न समेत अनुगमन निर्देशक बेल्वासले आग्रह गरे ।
‘असोज ११ पछि आयात हुने एवम् उत्पादन हुने सबै बस्तुमा न्यूनतम मल्य निर्धारण हुनेछ’–‘उनले भने ‘न्यूनतम मूल्य नभएका वस्तु ठगीका लागि आएका हुन सक्छन् ।
न्यूनतम मूल्य निर्धारण भएपछि चोरीका सामान पूर्णतया बन्द हुने छन् । त्यस्तै भन्सारमा न्यून बिजीकरण गर्ने र यहाँ चरम मूल्यमा बिक्री गरेर उपभोक्ता ठगिनबाट जोखिन सक्ने अनुगमन निर्देशक बेल्वासले बताए ।
प्याकेजिङ नहुने वस्तुमा आयातकर्ताले फारम भरेर आयातित वस्तुको मूल्यसहितको विस्तृत विवरणसहित फारम भर्नुपर्ने छ । स्वदेशी उत्पादनको पनि न्यूनतम मूल्य निर्धारण हुने छ । उद्योगीहरुले आफ्नो उत्पादन खर्चलगायत समेटेर मूल्य निर्धारण गर्न पाउने छन् ।
न्यूनतम मूल्य समावेश हुन नसक्दा व्यापारीले ग्राहकलाई पाँच गुणासम्म ठग्ने गरेका छन् । वाणिज्य विभागले अनुगमन गरे पनि प्रभावकारी हुन नसक्दा उपभोक्ता ठगीको मारमा परिरहेका छन् । अहिले बार्गेनिङ गर्न सक्नेले मात्र उचित सामान लिन पाएको छ भने अधिकांश ठगिएका छन् । सरकारले बस्तुसँगै सेवाको पनि न्यूनतम मूल्य निर्धारण गर्ने तयारी गरेको छ । न्यूनतम मूल्य नहुदाँ उपभोक्ताहरु नुनदेखि सुनसम्म सबै सामान किन्दा ठगिएका छन् ।
उपभोक्ता अधिकार अनुसन्धान मञ्चका अध्यक्ष माधव तिमल्सिनाले सबै वस्तुमा न्यूनतम मूल्य निर्धारण हुन सके पसलैपिच्छे हुने फरक मूल्यबाट उपभोक्ता बच्न सक्ने बताए । व्यापारीले ग्राहक हेरेर मूल्य निर्धारण गर्ने गरेको उनले बताए । ‘अहिले उपभोक्ता ठगिएका छन्, न्यूनतम मूल्य तोकिए धेरै उपभोक्ता ठगिनबाट बच्न सक्छन्’ उनले भने । न्यूनतम मूल्य लागु भए नियमक निकायलाई पनि कारवाही गर्न सजिलो हुने उनको भनाई छ ।
(harekpal.com बाट)
Contact information
Central Office Balaju –16, Kathmandu
crinvestigationforum@gmail.com
Tel: +977 1 4359459
Mob: 9841078209, 9841519971
Fax: +977 1 4359459
“खाद्यवस्तु स्वस्थ्य राख्नको लागि उत्पादन, भण्डारण र वितरण कार्य व्यवस्थित गरौं ।”
“स्वस्थ्य खाना उपभोक्ताको चाहाना ।”
“स्वस्थ्य खाऔं निरोगी भएर बाचौं ।”
“स्वस्थ्य खाना पाउने अधिकार नयाँ संविद्यानमा सुनिश्चित गरियोस् ।”
“उपभोक्तालाई स्वस्थ्य बस्तु उपलब्ध गराउनु प्रदायकको दायित्य हो ।”
“विषाधीको प्रयोग घटाऔं कृषि उत्पादनलाई स्वस्थ्य बनाऔं ।”
“म्याद नाघेको खाद्यवस्तु उपभोग नगरौं ।”
“ख्राद्यवस्तुमा अखाद्यवस्तुको मिसाउनु अपराध हो ।”
“उपभोक्ता अधिकार हामी सबैको सरोकार ।”
“उपभोक्ता अधिकारको सम्मान गरौं ।”
“हामी सबै उपभोक्ता, हाम्रो अधिकार उपभोक्ता अधिकार । ”
“उपभोक्ता अदालत गठन गरौं ।”
“लेवल हेरेर सामान खरिद गरौं ।”